حضرت زینب سلام الله علیها


+ مکالمه حضرت زینب سلام ا... علیه


دنیاده چکن هجران

الله الله آدیمدی منیم زینب

قان یاش توکرم گوزدن

الله الله آدیمدی منیم زینب

 

ظلمت شام

نه شوریدور گنه چون بیر بیره دگوب لشکر

باسوب قلنجینی ابرو سینه علی اکبر

حسین مگر نه وارگئنه آت گزدیرور جوان قاسم

الین قلنجینون اوسته قویوبدی عباسیم

حسین ددم اوغلی سارالان رنگوه زینبیم قربان آی قارداش

نچون سارالدی یوزون آخدی گوزلروندن یاش

نه توزدی صحنه رخساروه قونوب قارداش

باجون فدا سنه ای کشور ولایت ماه

بو سیریده منی الله رضاسی قیل آگاه

ذلیل ائتمرم دین پیغمبری

یا حسین گل چاره قیل غم موجی اخیامه گلوب

شامده قارداشوه قارداش امان نامه گلوب

سس دوشوب اخیامه گور ناله ائدر بیکس رباب

جام الینده خیمیه قیزلار سالوبلار اینقلاب

وای منه وای لیلایه گول زاریم ایندی اولدی خراب

من زینبم  غم موجونون سالاریم

بیر بویوک آواره قالموش قیزلارین غمخاریم

حسین  عباس سایسینده دالدالانان زینبه بیر چاره قیل

آند اولا ننم زهرایه گئتسه عباسیم اگر بیچاره دن بیچاریم

 

 

 

 

بابا گل هرایه

غضب لنیب نه سببدن مه بنی هاشم

قونوبلا آت بلینه ایندی یدی قارداشیم

آماندی گئدیم چاغریم ایندی برگزیده ناسیمی

آتام نشانه ماه مدینه عباسیمی

ابالفضل باجون اوقولاروه قوربان اولا وفا کانی

نه شوریدور کی دوتوب صحنه بیابانی

یارالانوب اورگیم قانه دوندی بو سوزدن

آمان حسینیمی دعواده قویمادون گوزدن

 

 

مهربان سلام علیک

کی ای عزیز اکبریم علیک سلام

شبیه حضرت پیغمبریم علیک سلام

اولان تسلی قلب مکدر زینب

جمالی مهر و مه انوریم علیک سلام

غریبه دیللروه بی نوا بیبون قربان

ریاض حسنه گل احمریم علیک سلام

نه مطلبون وار ایا نوجوان لاله عذار

گتور بیانه گوروم دلیریم علیک سلام

 

خجالتی وار

بیانی قیل منه کیمدی او آغلیانلار اوغول

فغان آهیله دنیانی داغلیانلار اوغول

 

شهادت ایچون

باغشلیوم نجه ای حر نامدار سنی

کسوب قباقیمی چکدون بو کربلایه منی

باغیشلیوم نجه قیلدون منی بلایه دوچار

عزیزیدوم ایلدون روزگاریده منی خوار

باغیشلیوم نجه اول یولومی سن دوتدون

عیال شیر خدانی بو چولده قورخدون

 

دورمارام گئدرم

مکدر اولما گیلان ای شبیه پیغمبر

باغیشلادوم سنه حری جوان علی اکبر

 

 

یکسر غریب

بو سرو قدیوه ای پادشاه حل و حرم

روا دگل با خا چادر ایچینده  نامحرم 

ایدر نظاره دشمن  زیاده غم لرینی

ایشیکده ساخلاما بو محترم حرملریمی

قوی بیرجه شمع قامتوه ایلیک طواف

یانوب دوشک ایاقوه پروانه لر  کیمی

سندن سورا  چکر بیزی زنجیره  شمر  دون

چوللرده گزردیرر  بیزی دیوانه لر کیمی

                                

شاه کشوریم قارداش یارو یاوریم قارداش

زینبون اوین یخما  گئتمه حیدریم قارداش

 

فغان زینب

من فدا او گوزلره یاندی جان بو سوزلره

رحم ایله بو قیزلاروه گئتمه حیدریم قارداش

یانان زینب

ای شه جهان قارداش زینبه یانان قارداش

کاش اولا بو گونلرده فاطمه آنام قارداش

 

گئد ای گئد ای سنی پروردگاره تاپشوردوم

علی بلینده اولان ذوالفقاره تاپشوردوم

 

بعد از شهادت امام

زینب

دستمازی قزل قاندی قارداش

زینبون قلبی شان شاندی قارداش

یاره لر سینون اوسته گل آچموش

هر بیری بیر گلستاندی قارداش

قلبینی اوخ بولن قارداشیم وای

حق یولوندا ئولن قارداشیم وای

نعشی عریان قالان قوملار اوسته

تشنه لب جان ویرن قارداشیم وای

زینبون حالوه قان یاش آغلار

ذبح اولان باشوه داغ داش آغلار

قلبوه اوخ ویران ال شیل اولسون

باشون اوسته آنام قارداش آغلار

گلمیشم گوزلرون باغلیام من

غصه لی سینمی داغلیام من

قویمیولار منی نعشون اوسته

بیر دیونجا سنه آغلیام من

یوخ باشون بوس ائدم لبلروندن

قوی اوپوم یاره لی هنجروندن

نعشوی دوندریم آرخون اوسته

اوخلاری من چکیم پیکروندن

قلبیمی غم سالوبدی فشاره

اولموشام گور نجه بخت قاره

بو غمه آغلارام  من ئولونجه

جسمون اولموش سنون پاره پاره

قلبیمی غصه دن غملر آلدی

گلشن آل  عصمت سارالدی

خیمه دن قتلگاهه گلینجک

زینبون یولدا قارداش قوجالدی

سینوی اوچ بولوب تیر پیکان

قتلگاهون ائدوبدور قزلقان

ای آنام فاطمه نون نشانی

آچ گوزون یاتما قارداش حسین جان

نویسنده : غلامرضانورمحمدنصرآبادی ; ساعت ۱٠:۳۳ ‎ق.ظ ; ۱۳٩٢/٤/۱
تگ ها:
comment نظرات () لینک